أعلان الهيدر

السبت، 25 مايو 2019

الرئيسية طريقة عمل المقرمشات للأطفال والكبار

طريقة عمل المقرمشات للأطفال والكبار

المقرمشات من الأكلات الـ بتعجب الاطفال والكبار 

 واليكم طريقة بـ وصفات كلها سهلة ولذيذه 

واليكم الشرح تحت كل صورة 💓


حلقات البصل المقلي 


   1- هتحضري 2 بيضة 

  2- ربع كيلو بقسماط

3- ربع معلقة ملح 

4- نص كوب دقيق

5- علبة زبادي     

6- زيت للقلي      

طريقه التحضير :


هتقطعي البصل حلقات قطع واحد سم 


تضربي البيض وتحطي عليه الملح والدقيق والزبادي 


نتبل البقسماط بملح وفلفل 


هنحط البصل فالدقيق وبعده فالخليط.. وبعد كدة فالبقسماط 


نخليه ساعه فالفريزر ونطلعه نقليه فالزيت 


ممكن تضيفو جبنة فـ وسط حلقتين بصل والخطوات بنفس الطريقه

فريسكاس



البطاطس الفريسكس كوك دور 

كيلو بطاطس متقطعه طويله وتخينه شويه

الطريقه 2كوب دقيق

3معالق بيكنج بودر


رشه ملح


معلقه بابريكا


معلقه كركم


ميه للعجن

زيت غزير

طريقة التحضير

نخلط المواد الجافه وننزل بالميه لحد ماالقوام يبقى تقيل مش خفيف 

نجيب البطاطس وننزل عليهم بمعلقتين دقيق يعنى نعفرهم علشان 

لمانحطهم فى الخلطه تمسك فيهم وننزل بالبطاطس على الزيت 

وهو 

سخن واحده واحده علشان ميلزقش فى بعضه

ملحوظة للى حابب ينزلها عشر دقايق فى ميه سخنه احسن 

هتبقى 

اطرى واجمل علشان فى ناس عملتها لاقيها مش مستويه قوى 

نصيحه نديها سلقه بسيطه قبل التحمبر وهتطلع روعه

بطاطس الوجوه المضحكة


٤حبات بطاطس مسلوقة.. بيضة.. 3 معالق نشا.. ملح وفلفل .. رشة 

بابريكا .. رشة كمون .. رشة دقيق ..  بيكنج بودر 

طريقه التحضير


اغسلي البطاطس واسلقيها مع القشر ‘ قشريها واهرسيها كويس

ضيفي عليها باقي المكونات واخلطيهم لتكون عجينة شبة متماسكة 

يسهل تشكيلها


شكليها كرات وكل كرة شكليه دائرة باليد وحطيها ف بصاج مدهون 

زيت ورشة دقيق


بملعقة شاي صغيرة بيد الملعقة شكلي العينين، ومقدمة الملعقة 

شكلي الفم


لتعطي شكل وجه ضاحك شبه اللي فالصوره


وبعد كدة خليها نص ساعه فالتلاجة


وهتطلعيها تقليها ف الزيت وبالف هنا

بطاطس كيرلي 

هنجيب نص كيلو بطاطس ونسلقها ونقشرها .. 2 بيض ونخفقهم .. 

معلقة كبيره نشا .. ملح وفلفل .. نص كوب لبن .. معلقة جبنة بارميزان 

او رومي مبشوره 

طريفة التحضير

هنحط البطاطس المسلوقه فبوله نهرسها كويس ونضيف ليها البيض 

ونقلبها ونضيف النشا والجبنه ونقلبها كويس 

ونضيف اللبن ونتبل الخليط بالملح والفلفل ونقلبه كويس 

نحطه فكيس حلواني وفزيت سخن غزير نعمل دوائر حلزونية ونحمرها 

كويس

رود البصل المقلية


بصلة كبيرة .. 2 بيض.. ربع كوب حليب .. ربع كوب دقيق.. ربع حزمة 


بقدونس ناعم ..كمون وكزبره وكركم وفلفل احمر 


طريقه التحضير 



هتقشري البصل و قطعيه بالطول والعرض وسيبي 2 سم من غير 


م تقطيعها من تحت 


حطيها فبوله وعليها مية مثلجة ويتغطي خالص بالمية وتدخليها 


الثلاجة لمده ساعتين او تلاته لحد ما تعمل شكل الورده



هتضربي كل المكونات اللي غوق دي مع بعض وتقلبيها كويس 


لحد ما تبقي سايلة 


هتجففي البصل من المية وتحطيه فالعجينة دي



هتنزليها فزيت غزير لحد ما تاخد اللون الدهبي ده والف هنا




ليست هناك تعليقات:

إرسال تعليق

يتم التشغيل بواسطة Blogger.